FURKAN SAGLIK
Saglik: Mbrojtja jonë e caktoi rezultatin
16 October, 2019 @23:45
Trajneri turk i vashave të Bashkimit, Furkan Saglik, në një bisedë ekskluzive me TopSporti.com ka thënë se mbrojtja agresive e caktoi edhe rezultatin e ndeshjes.
“Sot në përgjithësi mirë luajtëm, e pata rastin ta shoh gjendjen e fundit të skuadrës para derbit kundër Prishtinës.
Mbrojtja agresive e caktoi edhe rezultatin e ndeshjes dhe arritëm ta mbanim kundërshtarin në shifra të ulëta. Me presing të plotë e detyruam kundërshtarin të bëjë 25 topa të humbura për këtë e përgëzoj skuadrën. Sot të gjithë lojtaret që morën minutazhë kanë dhënë kontribut, në shtëpinë tonë arritëm një fitore të mirë, gjithashtu i uroj edhe Trepçës suksese në ndeshjet e radhës,”- ka thënë Furkan Saglik.
Bashkimi me fitoren ndaj Trepçës, u vendos në krye të tabelës, derisa në xhiron e dytë do të përballet me Prishtinën.