Sonte, dueli i dytë: Trepça-Prishtina

Trepça pret Sigal Prishtinën në duelin e dytë të serisë gjysmëfinale të Play-Offit në kuadër të Superligës.

Sigal Prishtina, që po kërkon mbrojtjen e titullit të kampionit të Kosovës, fitoi duelin e parë në Pallatin e Rinisë dhe të Sporteve dhe morri epërsinë në seri 1-0.

Mirëpo, Trepça përkundër mungesave, me ata lojtarë që ka në ekip i ka bërë ballë mjaft bardhekaltërve në ndeshjen e parë.

Ky fakt, jep shpresa që në Minatori në prani të shikuesve vendas, Trepça ndoshta edhe të befasojë.

PLAYOFF SKEMA SUPERLIGA

Në anën tjetër, bardhekaltërit kërkojnë të kryejnë punë shpejt, duke fituar dy ndeshjet e radhës për të kaluar sa më shpejt në finale!

Gjithsesi, gjithçka vendoset sonte sa i përket duelit të dytë, në ndeshjen që nis në ora 19:00.

Ndeshja e tretë është përcaktuar të zhvillohet të shtunën prej orës 19:00.