Olympiacos i kthehet Final Fourit

Olympiacosi duke e mposhtur Anadolu Efesin, në ndeshjen e pestë të serisë çerekfinale të Play-Offit të Euroligës, me rezultat 87-78, u bë skuadra e fundit që u kualifikua në Final Four.

Gjiganti grek, pas një “pauze” një-stinorëshe i është rikthyer përsëri Final Fourit të Euroligës, që do të mbahet në Stamboll.

Super ylli veteran i Olympiacosit, Vassilis Spanoulis, ishte më efikasi i skuadrës me 22 pikë të shënuara.

Ndërsa te skuadra turke, Cendi Osman luajti me 11 pikë, derisa 5 lojtarë (Deshaun Thomas, Tyler Honeycutt, Derrick Brown, Jayson Granger dhe Thomas Huertel) shënuan nga 10 pikë, por nuk mjaftoi për t’u kualifikuar në Final Four.

SKEMA E FINAL FOURIT

Olympiacosi në Final Four do të përballet me kampionin aktual CSKA Moskën, derisa përballja tjetër do të jetë në mes të Fenerbahçes dhe Real Madridit.