CAVALIERS vs PISTONS
Foto: nba.com
Stërvitje për kampionin, triple-double për Jamesin
15 March, 2017 @7:58
Detroit Pistons sot ishte një kafshatë e lehtë për kampionin aktual të NBA-së, Cleveland Cavaliers, në “Quicken Loans Arena”.
Cleveland që nga çereku i parë ia tregoi dhëmbët Detroitit, derisa gjatë ndeshjes djelmoshat e trajnerit Tyronn Lue krijuan një epërsi prej 38 pikëve, për t’i mposhtur në fund me rezultat 128-96.
Skuadra e Cavsit ka shënuar 19 herë nga vija e treshit, në mënyrë ekipore.
Super ylli i skuadrës LeBron James, luajti me triple-double 16 pikë, 12 asistime e 11 kërcime, derisa koshashënuesi më i mirë ishte Kyrie Irving me 26 pikë të shënuara.
Në anën tjetër u dallua Tobias Harris me 17 pikë.
Kjo ishte fitorja e 44-të e Clevelandit, të cilët i kanë edhe 22 humbje deri më tani.
