Teodo siguron gjysmëfinalen e BIBL

Skuadra malaziase, Teodo, ka shënuar fitore me rezultat 81-68 ndaj Feni Industries maqedone për të siguruar një vend në gjysmëfinale të BIBL.

Teodo mposhti Fenin 81-68, ndërsa ka siguruar për herë të parë në histori gjysmëfinalen e kësaj gare. Feni kishte fituar me vetëm tre pikë avantazh ndeshjen e parë (100-97) dhe kjo nuk i mjaftoi për gjysmëfinale nga dy duele.

Më efikasit te Teodo në fitore kanë qenë Milan Stanojevic me 19 pikë e 7 asistime si dhe Milos Djurisic me 15 pikë. Në anën tjetër Fenit nuk i mjaftuan 14 pikët e George Sharabidzes e Jane Petrovskit dhe kështu u eliminua nga garat.

Teodo në gjysmëfinale do të ndeshet me ekipin bullgar, Beroe.