TEAM OF THE WEEK 12
TOP 5-shja e javës në Superligë (XII)
10 December, 2018 @17:38
Pas ndeshjeve të përfunduara të xhiros XII të Superligës së Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë dy basketbollistë të Trepçës dhe nga një prej Prishtinës, Rahoveci dhe Prizrenit.
Mark Dorris me triple-double prej 18 pikëve, 14 asistimeve dhe 10 kërcimeve dhe Dwane Minner me 31 pikë, 7 kërcime, 5 bllokada dhe 3 asistime, hyjnë në pesëshen e javës nga Trepça, në ndeshjen që zhvilluan kundër Boreas.
Dardan Berisha ishte i vetmi te Prishtina që luajti me pikë dyshifrore kundër Yllit. Dardani në fitoren e skuadrës luajti me 32 pikë, 4 asistime e 3 kërcime.
Frederick Richardson i Rahovecit, luajti me 21 pikë e 11 kërcime kundër Prizrenit.
Qendra e Prizreni, Urim Zenelaj, krahas humbjes kundër Rahovecit, luajti me double-double prej 15 pikëve e 22 kërcimeve.
