TREPÇA (F) - VËLLAZNIMI (F)
TOSPORTI / Arian Paçarizi
Vëllaznimi largohet nga fundi i tabelës
7 March, 2020 @22:06
Vashat e Vëllaznimit, duke e mposhtur Trepçën me rezultat 41-52, aktualisht janë larguar nga fundi i tabelës në Ligën e Femrave.
Skuadra gjakovare ishte në epërsi gjatë tërë ndeshjes, ku arritën një fitore tepër të rëndësishme.
Basketbollistja më në formë te Vëllaznimi, Aisha Kaid, përsëri ishte në skenë. Ajo luajti me 18 pikë, 10 kërcime, 3 asistime e 3 topa të rrëmbyer, derisa u ndihmua edhe nga Rina Hoda me 13 pikë.
Te Trepça asnjë lojtare nuk shënuan pikë dyshifrore. Sihana Ramoja luajti me 8 pikë e 15 kërcime, Arta Mustafa me 8 pikë, 8 kërcime e 7 asistime dhe Lorena Haxha me 7 pikë e 5 kërcime.
Vëllaznimi e regjistroi fitoren e dytë të stinorit karshi 13 humbjeve që i ka, derisa Trepça ka bilanc prej 5 fitoreve e 10 humbjeve.
Në xhiron tjetër Vëllaznimi takohet me Prishtinën, kurse Trepça me Bashkimin.
