VENUS vs VANDEWHEGE
Venus Williams (36 vj.) arrin finalen e Australian Open 2017.
Venus vërteton se mosha është numër
26 January, 2017 @8:21
Tenistja amerikane, Venus Williams, ka arritur të mposht CoCo Vandeweghen 2-1 në sete për të arritur finalen e Australian Open, finalen e parë të një Grand Slami që nga viti 2009.
Venus 36 vjeçare shënoi fitore pas një ‘maratone’ prej 146 minutave ndaj bashkëkombases së saj të re, për të hyrë në librat e historisë si finalistja më në moshë e Melbourne’it në epokën profesionale.
Sidoqoftë, Vandeweghe edhe deri këtu ka qenë befasi. 25 vjeçarja morri kontrollin e lojës heret, fitoi setin e parë, por pas kësaj sikur humbi atë vetëbesimin që e kishte në fillim të ndeshjes, përkundër epërsisë!
Venus Williams është 7 herë fituese e turneve Grand Slam, mirëpo asnjëherë nuk ka arritur të fitojë Australian Open. Ajo ka qenë vetëm një herë në finalen e Melbourne’it dhe atë 14 vite më parë!
