AUSTRALIAN OPEN
Wozniacki triumfon, i pari Grand Slam në karrierë
27 January, 2018 @13:48
Pas 12 viteve e gjysmë pritje, Caroline Wozniacki e ka fituar Grand Slam-in e parë në karrierë.
Teniserja daneze e mposhti në finale rumunen Simona Halep, për t’u shpalluar kështu kampione e Australian Open-it në kategorinë e femrave.
Finalja e sotme kaloi me luftë mjaft të fortë nga të dyja teniseret, ndërsa fitorja e Wozniackit bën që kjo tenisere tashmë të renditet në vendin e parë në botë në renditjen e përgjithshme të tenisereve.
Kjo ishte hera e tretë që Wozniacki arrin në finale të një Grand Slam-i, mirëpo dy finalet e kaluara ishin mbyllur me humbje për teniseren daneze.
Australian Open vazhdon nesër me finalen e meshkujve, ku Federer dhe Cilic do të ndeshen mes vete me fillim nga ora 9:30 e mëngjesit.
