RIKTHEHET NË KOSOVË, POR NË QYTET TJETËR
Ylli zyrtarizon Derrick Wilsonin
25 February, 2025 @23:57
Ish basketbollisti i Prishtinës, Derrick Wilson, është zyrtarizuar të martën mbrëma si lojtar i ri i Golden Eagle Yllit. Ekipi suharekas ka bërë të ditur se ka arritur marrëveshje me lojtarin në fjalë, duke nënshkruar me atë deri në fund të këtij stinori.
Playmakeri i dalluar 187-centimetra i gjatë dhe 33 vjeçar që në dy stinorët e kaluar mbrojti ngjyrat e Prishtinës tash e tutje i rikthehet Superligës, por me fanellën e “energjikëve” të Suharekës, që drejtohen nga trajneri slloven, Aleš Pipan.
Të mërkurën e 26 shkurtit, Ylli është nikoqir i Prizrenit në ndeshjet e mbetura të xhiros XXI të Superligës, ndërsa pritet të shihet rezultati i kësaj përballjeje që është me rëndësi për të dyja palët.
Pas XX xhirosh, Ylli është i gjashti momentalisht në renditje me bilanc 8-12, kurse Prizreni i fundit (i dhjeti) me bilanc 5-15.
