STEPHEN CURRY
Foto: nba.com
Tre çerekë, 45 pikë!
7 January, 2018 @10:40
Super ylli i Golden State Warriorsit, Stephen Curry, dje në ndeshjen kundër Los Angeles Clippers, ishte i pakapshëm.
Curry luajti për tre çerekë, por i shënoi 45 pikë. Ai në statistikat personale i shtoi edhe 6 kërcime, derisa u ndihmua edhe nga JaVale McGee dhe Nick Young me nga 11 pikë secili, në fitoren e skuadrës ndaj Clippersave me rezultat 121-105.
Te Clippers u dallua Lou Williams me 23 pikë.
Kampioni aktual i NBA-së, Warriors, vazhdon kryesimin në Konferencën Perëndimore me 32 fitore e 8 humbje.
