Lis Shoshi transferohet në Lituani

Pieno Zvaigzdes do të jetë skuadra e re e Lis Shoshit.

Lajmi u bë i ditur nga faqja zyrtare e klubit lituanez sot, klub ky që momentalisht ndodhet në vendin e pestë të elitës lituaneze të basketbollit.

Lis Shoshi pas rikthimit nga SHBA-të këtë sezon ishte pjesë e Sigal Prishtinës, me të cilën pjesën e parë të sezonit luajti me mesatare prej afro 16 minutave për ndeshje, minuta në të cilat ai mesatarisht realizoi 6.7 pikë për ndeshje.

Përveç paraqitjeve me Prishtinën, Lis Shoshi ishte edhe pjesë e përfaqësueses së Kosovës, me të cilën një nga paraqtitjet më të mira e pati pikërisht ndaj Lituanisë. Në atë përballje Shoshi shënoi 10 pikë, si dhe realizoi 4 kërcime e 2 bllokada.