550 euro gjobë për Trepçën pas fitores ndaj Prishtinës

Fitorja e Trepçës në xhiron e kaluar të Superligës ndaj Prishtinës, 84-83, i ka kushtuar mitrovicasve me 550 euro në total, ka bërë të ditur FBK, pas raportit të Komesarit të Garave të lëshuar dje.

“Ofendime gjatë ndeshjes. Hudhje të shkrepëseve, shisheve, gjësende që mund të shkaktojnë lëndime,” janë vlerësuar si penalizime 49.3 dhe 49.6 të PG të cilat e detyrojnë Trepçën për 400 euro.

Kurse, gabimi teknik i përsitur i trajnerit Dimitris Papadopoulos i shton edhe 150 euro tjera në Vendimin e KG-së që në total çon shifrën në 550 euro.

Informatori Nr 20 i Superligës ka bërë të ditur se dënimet e xhiros XX duhet të pagohen para ndeshjeve të xhiros XXI, në të kundërtën klubet nuk kanë të drejtën të zhvillojnë ndeshjet, kurse trajnerët/lojtarët nuk kanë të drejtë paraqitjeje në listën e ndeshjes.