SHQIP NË BOTË
8 pikë nga Dardan Berisha në fitoren e Nymburkut
10 February, 2018 @19:56
Pas suksesit në Champions League, skuadra e Nymburkut ka shënuar fitore edhe në ligën çeke të basketbollit.
Skuadra ku aktivizohet Dardan Berisha sonte e mposhti me rezultat 59-86 skuadrën e Usti n. Labem, për ta vazhduar rekordin perfekt prej 21 fitoreve në po aq ndeshje të zhvilluara sivjet në kuadër të ligës.
Dardani ishte startues edhe sonte dhe luajti për 20 minuta, brenda të cilave shënoi 8 pikë, si dhe shtoi 2 kërcime, 2 vjedhje të topit dhe 1 asistim. Ai sonte ishte i saktë në tentimin e vetëm për 2 pikë si dhe në 2 nga 7 tentimet e tij për 3 pikë.
Ndeshjen e ardhshme Nymburku i Dardanit e zhvillon menjëherë nesër ndaj skuadrës së Opavës në kuadër të çerekfinales së Kupës së Çekisë.
