AUSTRALIAN OPEN 2019 - TOP 16
Foto: AusOpen/fb
Arritja më e madhe në karrierë, për ditëlindje
20 January, 2019 @13:35
Të arrish çerekfinalen e Australian Open, si sukses më i madh në karrierë, për ditëlindje.
Kjo i ngjau Frances Tiafoes që festoi ditëlindjen me arritjen më të madhe në karrierë, duke e mposhtur sot 3-1 në sete bullgarin Grigor Dimitrov.
Amerikani i ri tregoi performancë dinamike gjatë ndeshjes për të arritur tetëshen më të mirë të turneut.
“Kjo do të thotë si botë për mua,” ka thënë Tiafoe pas fitores për Eurosportin.
“Kam djersitur b..ën time. I kam thënë prindërve dhjetë vite më parë se do të bëhem teniser profesional, do ta bëj këtë, do t’ua ndërroja jetën atyre dhe timen. Tash jam në çerekfinale të një Grand Slami dhe jam 21 vjeç... s’mund ta besojë ende këtë.”
