Miqësorja dhe xhamat e thyer

Trajneri Boris Kurtovic i është kthyer me humbje palestrave kosovare. Skuadra e tij e re, Besa, është mposhtur sonte nga Bashkimi i Prizrenit në miqësoren e përfunduar pak më parë. Mirëpo e tërë miqësia ndërmjet klubeve dhe atmosfera e këndshme kaloi vetëm në parket, pasi që pas ndeshjes, disa persona të pandërgjegjshëm sulmuan autobusin e pejanëve, duke ia thyer xhamat. 

LOJA

Kurtovic, i cili ka arritur javën e kaluar në Pejë, është duke stërvitur shumë me grupin e të rinjëve pejan për t’i bërë gati ata për Superligë. Mirëpo, sonte Bashkimi i udhëhequr nga Edin Kërveshi këndonte këngën. 

Portokallezinjtë nga Prizreni janë treguar superiorë ndaj të rinjëve pejanë. Te Bashkimi pesë basketbollistë shënuan pikë dyshifrore, prej të cilëve më së shumti u dalluan dyshja e huaj Justin Cecil dhe Josip Blajic me nga 13 pikë të shënuara. 

Në anën tjetër te ish Studenti, tash Besa, kapiteni i skuadrës Beqë Kovaqi dhe Art Hajdari kanë qenë të vetmit me pikë dyshifore. I pari ka shënuar 16 pikë, derisa i dyti ka regjistruar 10 pikë në humbjen, 87-57. 

Kjo ka qenë ndeshja e parë miqësore për Besën, derisa e katërta për Bashkimin para fillimit të stinorit të ri në Superligën e Kosovës në basketboll.

Koshashënuesit e Bashkimit

Koshashënuesit e Besës