SONTE: BASHKIMI-RILSKI
BOROZANI/A.P.
Bashkimi ndaj ekipit të pamposhtur
7 December, 2017 @9:17
Në Sezai Surroi të Prizrenit sonte, me fillim nga ora 19:30 skuadra e Bashkimit pret ekipin bullgar Rilski Sportist, në përballjen e fundit të javës në kuadër të BIBL.
Ndeshja e paraparë të zhvillohet në xhiron e parë të BIBL, ishte shtyer dhe sonte do të kompenzohet.
Rilski Sportist dy natë më parë mposhti Tiranën në Feti Borova bindshëm dhe ka vazhduar të mbajë epitetin e ekipit të vetëm të pamposhtur në BIBL këtë stinor.
Se a do të arrijë Bashkimi t’ua shkaktojë humbjen e parë të stinorit - mbetet të shihet sonte, ndërsa trajneri i ekipit prizrenas, Fotis Takianos ka thënë se ekipi është në ritëm të mirë.
Ndeshja do të referohet nga Stelios Symeonides, Aleksandar Davidov dhe Ivan Miljakoski, ndërsa do të transmetohet në KTV dhe Sportmedia.tv.
