Bashkimi shpëton në fund

Aloja amerikane Aaron Mitchell ka vjedhur topin në akcionin e fundit të Besës pranë rezultatit të barabartë 90-90 për të shënuar dy pikë që i dhanë fitoren prizrenasve në ndeshjen që doli të jetë më interesantja e kësaj xhiroje. 

Kështu, Bashkimi arriti të mposht Besën edhe njëherë këtë stinor në Karagaç, 90-92 kësaj radhe, derisa rezultati në total përballjet e ndërsjella u bë 3-0 në të mirë të prizrenasve. 

Në fakt, Besa gjatë pjesës më të madhe të kohës ka qenë në epërsi. Pejanët e rinj në çerekun e parë kishin epërsi 15 pikëshe ndaj prizrenasve. 

Fabian Gjuka me djelmoshat e tij ishte shumë afër të arrij atë që nuk e kishte arritur as Boris Kurtovic gjatë stinorit, t’ua shkaktojë disfatën Bashkimit, por ja që në fund vetëm falë gjindshmërisë së një lojtari në momentet vendimtare Bashkimi doli faqebardhë në Karagaç. 

Sidoqoftë, Besa vazhdon të mbetet kërcënim për skuadrat që synojnë Play-Offin nga vendi i tretë dhe i katërt, pasi që sonte kanë treguar një dëshirë të madhe për fitore. 

Rezultatet dhe tabela aktuale.