CHAMPION OF BIBL 2016/17
Beroe, kampion i ri i BIBL
18 April, 2017 @22:58
Skuadra nga Stara Zagora e Bullgarisë, Beroe, është kampion i ri i Ligës Ballkanike në basketboll.
Beroe sonte ka arritur të mposht edhe në ndeshjen e kthimit Kumanovën, 77-73, për tu stolisur me titullin e parë të kampionit në këtë ligë.
Fitorja e Beroes u pa në seriozitetin e lojës së treguar në çerek të parë të ndeshjes kur bullgarët morrën avantazhin 22-9, shto këtu edhe avantazhin e madh nga ndeshja e parë (29 pikë), Kumanovës iu pamundësua kthimi më tej.
Brandis Ross ka qenë më efikasi te Beroe sonte me 17 pikë të shënuara, ndërsa u dalluan edhe Aaron Jones me 16 e Omari Gudul me 11 sosh.
Beroe kështu, bëhet ekipi i tretë bullgar që arrin të triumfojë në BIBL, pas Rilskit dhe Levskit.
Kampione e fundit e BIBL ka qenë Sigal Prishtina, që triumfoi në stinorin e kaluar.
