BIBL
Beroe në finale të Ligës Ballkanike
28 March, 2017 @22:19
Skuadra bullgare, Beroe, është finalistja e parë e Ligës Ballkanike për këtë edicion.
Ekipi bullgar ka arritur finalen duke shënuar fitore të thellë ndaj skuadrës malaziase, Teodo, të cilën e mposhti me 36 pikë epërsi, 92-56.
Në fakt, fitorja nuk ishte opcion i domosdoshëm për Beroen që të arrijë në finale, pasi që edhe në ndeshjen e parë e kishte mposhtur Teodon, mirëpo në ndeshjen e kthimit bullgarët u treguan edhe më të pamëshirshëm.
Omari Gudul me 23 pikë dhe Aaron Jones me 22 sosh ishin më meritorët në fitoren e Beroes, derisa te Teodo i vetmi që u dallua ishte Milos Popovic që shënoi 26 pikë.
Beroe në finale e pret fituesin e duelit Peja-Kumanova, të cilët do ta luajnë nesër ndeshjen e kthimit.
Në ndeshjen e parë Peja pati fituar me katër pikë epërsi.