BASHKIMI - PRISHTINA
Foto / KB Bashkimi
Çereku i katërt vendimtar në derbin Bashkimi-Prishtina
23 January, 2022 @18:49
Skuadra e Prishtinës e mposhti përsëri Bashkimin.
Ndeshja e luajtur në “Sezai Surroi”, përfundoi me rezultat 62-81 në favor të Prishtinës.
Prishtina e krijoi një epërsi prej 4 pikëve në çerekun e parë (20-24), e më pas që të dyja skuadrat këtë epërsi ruajtën edhe në çerekun e dytë edhe në të tretin.
E në çerekun e katërt Prishtina duke pësuar 7 pikë dhe shënuar 22 pikë, e regjistroi një fitore të rëndësishme.
Jetmir Zeqiri me 19 pikë ishte më i dalluari te Prishtina, derisa u veçuan edhe Dachon Burke me 18 pikë, Wendell Mitchell me 13 pikë dhe Jan Palokaj me 11 pikë.
Te Bashkimi Alban Veseli luajti me double-double prej 19 pikëve e 10 kërcimeve dhe Valon Bunjaku me 17 pikë, ishin të vetmit me pikë dyshifrore te skuadra prizrenase.
Kjo ishte fitorja e tretë e Prishtinës sivjet ndaj Bashkimit në Superligë, derisa me 9 fitore e 8 humbje ngritet në pozitën e katërt, kurse Bashkimi me 8 fitore e 9 humbje gjendet në pozitën e gjashtë.
Në xhiron tjetër Prishtina takohet me Yllin, kurse Bashkimi me Rahovecin.
