FBK: Pa shikues deri më 4 shkurt

Federata e Basketbollit e Kosovës (FBK) ka informuar se konform Masave të Reja anti-Covid19 të Qeverisë së Republikës së Kosovës prej dje (22.01.2022) e deri më 4 Shkurt 2022 nuk do të lejohen shikues në palestrat sportive.

Andaj Federata e Basketbollit e Kosovës informon se përveç 10 personave zyrtarë të klubeve me Vendimin e ri të Qeverisë së Republikës së Kosovës nuk lejohet prania e shikuesve të tjerë në ndeshjet e basketbollit.

“Ju lutem ta respektoni Vendimin e Qeverisë së Republikës së Kosovës, të cilin e gjeni më poshtë” - ka shkruar FBK-ja në njoftimin e lëshuar mbrëmë. 

SPORTI dhe REKREACIONI

-Lejohen organizimi i garave sportive dhe stërvitjeve përkitazi me protokollet dhe rekomandimet e organizatave botërore për organizimin e ngjarjeve sportive dhe me masat mbrojtëse të Qeverisë së Republikës së Kosovës.
-Numri i pjesëmarrësve në garë (sportistë, klube, zyrtarë, dhe pjesëmarrës tjerë të nevojshëm për zhvillimin e garës) përcaktohet nga federatat sportive duke respektuar masën e distancës dhe masat tjera mbrojtëse. Në aktivitetet garuese në hapësira të mbyllura dhe të hapura nuk lejohet prania e shikuesve.
-Mbyllen fitneset, palestrat dhe institucione të tjera për shfrytëzim të publikut për aktivitete sportive dhe rekreative, me përjashtim të klubeve profesionale sportive.