CELTICS - CAVS
Foto: nba.com
Cleveland i ri, bindshëm ndaj Bostonit
12 February, 2018 @10:19
Me transferime të reja në skuadër, edhe pse ende herët, por Clevelandi ka dhënë shenja këndelljeje.
Cavs arriti ta mposhtë njërën ndër skuadrat favorite në Konferencën Lindore, Boston Celticsin, me rezultat 121-99 në TD Garden.
Super ylli i skuadrës, LeBron James, shkëlqeu me 24 pikë, 10 asistime e 8 kërcime, derisa këto shifra i arriti për 27 minuta. Transferimet që erdhën ditë më parë Hill, Clarkson, Hood dhe Nance, së bashku shënuan 49 pikë.
Në anën tjetër, koshashënuesi më i mirë ishte Terry Rozier me 21 pikë, ndërsa Kyrie Irving lujti me 18 pikë ndaj ish-skuadrës së tij.
Cavs aktualisht ka bilanc prej 33 fitoreve e 22 humbjeve dhe gjendet në pozitën e tretë në Konferencën Lindore, derisa Bostoni në pozitën e dytë me 40 fitore e 18 humbje deri më tani.
