PRISHTINA - YLLI
Prishtina mposht edhe Yllin, ruan rekordin perfekt
10 February, 2018 @20:53
Me fitoren e kryeqytetasve u mbyll takimi i fundit i xhiros së XIX në Superligën e Kosovës në basketboll.
Vendasit zhvilluan një paraqitje mjaft të mirë, sidomos në pjesën e parë, për ta fituar kështu edhe duelin e 19 me radhë në Superligë. Në anën tjetër, Ylli provoi që ta përmbyste rezultatin në pjesën e dytë, mirëpo vendasit nuk u shpërqëndruan në asnjë moment dhe takimin e mbyllën me fitore 96-86.
Granit Rugova me 28 pikë, 1 kërcim e 8 asistime dhe Alban Veseli me 19 pikë, 2 kërcime e 6 asistime u veçuan me së shumti te Prishtina, derisa te Ylli paraqitjet më të mira erdhën nga Leonard Mekaj, i cili pati 24 pikë, 8 kërcime e 7 asistime si dhe Michael Harman, i cili shtoi 24 pikë, 2 kërcime e 1 asistim.
Fitorja e sontme e ruan rekordin perfekt të Prishtinës në Superligë, derisa Ylli mbetet i katërti me bilanc 10-9.
