FUNDORI I PRISHTINËS
Foto: Gentrit Sylejmani/ KBPrishtina
Valon Bunjaku: Fituam me përvojë
11 February, 2018 @22:16
Lojtari prizrenas i Sigal Prishtinës, Valon Bunjaku, në një bisedë me Borozani.com ka vlerësuar ndeshjen kundër Yllit.
“Edhe pse kundërshtari ishte i përgatitur, ne e treguam përvojën tonë e kërkuam më shumë fitoren dhe këtë e arritëm, jemi duke vazhduar rrugën pa humbje, derisa serioziteti ynë do të vazhdojë në çdo ndeshje”, ka thënë Bunjaku.
Valoni gjithashtu ka thënë se është duke ushtruar personalisht për ta ngritur performancën e tij.
“Jam duke ushtruar personalisht për ta ngritur performancën, për ta ndihmuar skuadrën në mënyrën më të mirë”.
Valon Bunjaku në ndeshjen kundër Yllit, luajti me 8 pikë, 5 kërcime, 2 asistime e 1 top të rrëmbyer, derisa ishte i saktë nga vija e treshit 2 herë në 3 tentimet që i bëri.
