Dardan Berisha: Tash, më shumë

Basketbollisti më efikas i përfaqësueses së Kosovës, Dardan Berisha, në një prononcim të tij para ndeshjes së nesërme ndaj Bullgarisë, ka thënë:

“Do të jetë ky një tjetër duel i vështirë. Bullgarët do të mundohen të na vështirësojnë gjërat, pasi edhe ata janë në të njëjtën pozicion sikur ne, pra kanë pësuar dy humbje dhe do të kërkojnë ta shfrytëzojnë përparësinë e terrenit nikoqir për të na mposhtur. Mirëpo ne do të hyjmë në parket për të bërë më të mirën dhe për të nxjerr rezultat pozitiv, sepse jemi të vëtedijshëm për rëndësinë e kësaj ndeshje. Kundër Ukrainës luajtëm mirë, por do të kërkojmë të përmirësohemi edhe më shumë nga ndeshja në ndeshje”.

Kosova dhe Bullgaria janë mposhtur në dy ndeshjet e para nga Sllovenia dhe Kroacia dhe nesër njëra do të regjistrojë fitoren e parë në Grupin E kualifikues të Eurobasket 2017.

Ndeshja fillon në ora 18, të mërkurën.