YLL KAÇANIKU
5 minutat e fundit duhet analizuar
4 September, 2016 @16:30
Yll Kaçaniku ka qenë i zhgënjyer me humbjen e djeshme, si pjesa tjetër e ekipit dhe tifozëve të Kosovës ndaj Ukrainës.
Ai ka treguar arsyet, por ka dhënë edhe shpresa për ndeshjet e radhës.
“Jemi përgatitur shumë mirë për këtë ndeshje dhe dëshmia më e mirë ështe se ne luajtëm shumë më mirë se ndaj Sllovenisë. Tani na mbetet të ulemi dhe ta analizojmë ndeshjen, posaçërisht pesë minutat e fundit, në mënyrë që mos të na ndodh një rënie e tillë e lojës në çastet vendimtare. Unë besoj se do të tregojmë lojëra edhe më të mira sidomos ato që i luajmë brenda para një publiku të mrekullueshëm si ky që ishte në “Minatori”,” ka thënë Yll Kaçaniku pas ndeshjes së djeshme.
RAPORTI I NDESHJES KOSOVA-UKRAINA
Ylli shënoi 2 pikë, 2 asistime dhe 3 kërcime në 12 minuta lojë sa iu dha hapësira dje.
Kosova ndeshjen e radhës e zhvillon pas tre dite ndaj Bullgarisë.
