WARRIORS vs THUNDER
Kevin Durant me top kundër ish ekipit/ Foto: nba.com
Durant i pamërshirshëm ndaj ish-skuadrës
19 January, 2017 @9:04
Super ylli i Golden State Warriorsit, Kevin Durant, nuk kishte aspak mëshirë sot në ndeshjen e luajtur kundër ish-ekipit të tij, Oklahoma City Thunder.
Warriorsat e fituan ndeshjen me rezultat 121-100, ndërsa Kevin Durant ishte i pandalshëm me 40 pikë e 12 kërcime, derisa u ndihmua edhe nga Stephen Curry me 24 pikë të tjera.
Në anën tjetër, nuk mjaftoi triple-double i Russell Westbrookut (27 pikë, 15 kërcime e 13 asistime).
Kjo ishte fitorja e 36-të e stinorit për Golden State, të cilët kanë vetëm 6 humbje dhe gjenden në maje të Konferencës Perëndimore.
