PRISHTINA-IBAR
E dyta me radhë për Prishtinën në BIBL
2 November, 2021 @20:45
Prishtina ka arritur të shënojë fitoren e dytë me radhë në BIBL dhe kështu ka neutralizuar bilansin negativ që e kishte në 2-2.
Basketbollistët e drejtuar nga Ante Nazor kanë arritur që të mposhtin ekipin nga Mali i Zi, Ibar me rezultat 110-85 [31-23, 23-19, 37-23, 22-20].
Wendell Mitchell me 35 pikë ka qenë më efikasi i ndeshjes ndërsa me 26 pikë tjera u dallua Dachon Burke, që shtoi edhe 5 asistime në llogari të tij.
Ante Nazor, duke parë që ekipi po shkonte drejt fitores i ka dhënë mundësi secilit lojtar që e kishte në bankë, ndërsa kësaj radhe aty ka debutuar edhe Bledar Thaqi, që ka pasur edhe dy tentime për të shënuar në dy minutat e tija në këtë fitore.
Te Ibar Luka Dimitrovic me 20 pikë ka qenë më efikasi, ndërsa 15 të tjera ka shënuar Armin Kalic.
Me këtë Prishtina bën bilansin 2-2, ndërsa Ibar tashmë ka bilans 0-3.
