VËLLAZNIMI (F) - PENZA (F)
FOTO / KBF Vëllaznimi
E treta rresht për KBF Vëllaznimin, Mgbeike me triple-double
11 November, 2020 @18:17
Po vazhdon forma e mirë e vashave të Vëllaznimit.
Skuadra gjakovare e mposhti edhe Penzën me rezultat 82-59 dhe e regjistroi fitoren e tretë rresht në Ligën e Femrave.
Të huajat e Vëllaznimit shkëlqyen përsëri. Raven Baker ishte koshashënuesja më e mirë me 32 pikë, derisa luajti edhe me 16 kërcime, 6 topa të rrëmbyer e 4 asistime, kurse Sarah Mgbeike shkëlqeu me triple-double prej 27 pikëve, 23 kërcimeve e 10 bllokadave.
Te Penza me double-double luajtën Valbona Bytyqi me 26 pikë e 12 kërcime dhe Melita Luci me 12 pikë e 10 kërcime, por nuk mjaftoi për fitore.
Vëllaznimi së bashku me Bashkimin janë dy skuadrat e vetme pa humbje pas 3 xhirove në Ligën e Femrave, kurse Penza e regjistroi humbjen e dytë të stinorit.
Në xhiron e katërt Vëllaznimi takohet me Trepçën, kurse Penza me Prishtinën.
