Edmond Azemi: Vetëm fitore

Kapiteni dhe legjenda e ekipit të Sigal Prishtinës, Edmond Azemi, ka qenë i qartë në deklaratën e tij para ndeshjes jetike për Vëllaznimin dhënë Kohës ditore.

“Vetëm fitorja na siguron pozitën e shtatë. Atë e kemi synim fillimisht, pastaj varemi nga rezultatet tjera dhe ndoshta në xhiron e fundit e sigurojmë edhe PlayOffin,” ka thënë basketbollisti më me përvojë në kampionatin elit të basketbollit vendor.

Azemi ende është lider i padiskutueshëm i ekipit, që është rekord-kampion dhe rekord fitues i Kupave në Kosovë.

Por, Sigal Prishtina po e përjeton stinorin më të vështirë në histori të klubit. Asaj i nevojiten dy fitore në dy xhirot e fundit për të siguruar mbijetesën, e varësisht nga rezultatet e Bashkimit e Trepçës, atëherë do të mund të dalin edhe në çerekfinale të PlayOffit.