PRISHTINA - PRIZRENI
Fitorja e 7 rresht, Prizreni lider në Superligë
29 December, 2020 @15:07
Skuadra më në formë në Superligë, Prizreni, e mposhti edhe Prishtinën me rezultat 70-80.
Prizreni gjatë ndeshjes ishte në disavantazh vetëm një herë me -3 pikë, e më pas e kontrolloi ndeshjen deri në fund dhe e vazhdoi serinë pozitive.
Arti Hajdari ishte koshashënuesi më i mirë me 23 pikë. Ai luajti edhe me 4 kërcime, 4 topa të rrëmbyer e 2 asistime.
Hajdari u ndihmua edhe nga Josh Martin me double-double prej 18 pikëve e 18 kërcime. Martin luajti edhe me 5 asistime.
Te Prishtina më i dalluari ishte Fisnik Rugova me 19 pikë e 10 kërcime.
Kjo është fitorja e shtatë rresht dhe e 9-ta në total për Prizrenin krahas 3 humbjeve që i ka, kurse Prishtina ka bilanc prej 3 fitoreve e 9 humbjeve.
Humbja e fundit e Prizrenit ishte pikërisht nga Prishtina në xhiron e pestë.