NGA INFORMATORI NR 3
Gjyqtari i ndeshjes Istogu-Bashkimi, dënohet
10 October, 2023 @15:22
Gjyqtari kryesor i ndeshjes ku Istogu befasoi Bashkimin në “Sezai Surroi” është dënuar me dy ndeshje moskryerje detyre në tempo të delegimit, ka bërë të ditur Informatori Nr. 3 i Superligës.
“Genc Vitaku (gjyqtar kryesor i ndeshjes KB Istogu - KB Bashkimi) konform Nenit 56.1 dënohet me 2 ndeshje në tempo të delegimit,” ka shkruar në njoftimin e botuar nga FBK.
Ky Nen, dënon sipas vlerësimit prej dy deri në katër ndeshje, ndërsa gjyqtari në fjalë ka marrë dënimin minimal, ku Nenit thotë: “kryerja e papërgjegjsme e detyrës, mos zbatimi i udhëzimeve dhe vendimeve të KG, PG, rregullave zyrtare të lojës”.
