Haxhiu: Talent ka, mungon motivimi

Kapiteni i skuadrës së Trepçës, Valdrin Haxhiu, ka folur për Borozani.com në lidhje me ndeshjen e parë të stinorit, pasi që pësuan humbje ndaj Pejës.

“Ndeshja edhe qysh është pritur ashtu doli, me këtë organizim e me këtë përbërje të lojtarëve është shumë e vështirë që t’i bëhet ballë ndonjë ekipi. Shumica e djemve është hera e parë që paraqiten në Superligë dhe përvoja është zero. Angazhimi nuk ka munguar prej djemve, mirëpo realisht ka hapësirë për përmirësim. Por, për me iu dalë ballë është shumë problem, shpresoj që personat që e kanë pru gjendjen e ekipit në këtë nivel të fillojnë e t’i marrin përgjegjësitë e tyre dhe t’i përkrahin këta djem që kanë shumë talent, mirëpo u mungon motivimi”

TABELA AKTUALE

Haxhiu gjatë ndeshjes luajti me 5 pikë e 3 kërcime, derisa Trepça në xhiron e dytë do të përballet me Kerasan Prishtinën.