Henrik Sirko — MVP i Prishtina-Vëllaznimi (1)

S’është dëgjuar shumë përgjatë kampionatit, por u tregua që në ndeshjen e parë të playoffit. Kroati Henrik Sirko është përzgjedhur lojtari më i rëndësishëm i përballjes së parë të serisë çerekfinale të playoffit, ku Prishtina mposhti Vëllaznimin.

Shibenikasi 31 vjeçar me përvojën e tij ka bërë dallimin në ndeshjen e fituar të bardhekaltërëve, duke shënuar 18 pikë, 3 asistime e 3 kërcime në fitoren e ekipit.

Ai shutoi 4/6 për tre pikë, ndërsa kishte edhe një top të rrëmbyer nga kundërshtari në këtë ndeshje.