RIO 2016 - PESHËNGITJE
Irani dhe Koreja Veriore, të artë
13 August, 2016 @15:40
Rim Jong-sim nga Koreja Veriore fitoi të artën në peshëngritje në disiplinën deri 75kg. Ajo në shkëputje në tentimin e dytë ngriti 121kg, derisa në shtytje pati 153kg për totalin prej 274kg, duke lënë shumë mbrapa konkurrentet kryesore.
Darya Naumava nga Bjellorusia mori të bronztën me 258kg, derisa me një kilogram më pak garën e mbaroi Lidia Valentin nga Spanja.
Tek meshkujt iraniani Kianoush Rostami pati 396kg në total duke shënuar rekord olimpik në shtytje dhe atë botëror në dygarësh. Rostami ngriti 217kg në shtytje duke thyer rekordin e grekut Pyrros Dimas, kampionit të trefishtë olimpik, i shpallur edhe Mjeshtër i Sportit nga qeveria shqiptare në vitin 1990.
E argjendta i takoi kinezit Tian Tao, derisa e bronzta rumunit Gabriel Sincraian.