TRANSFER
Ish-lojtari i Prishtinës kalon te Worcester Wolves
7 September, 2017 @15:13
Përmes një njoftimi zyrtar, sot u bë e ditur që Elvis Dusha, reprezentuesi i Shqipërisë në basketboll dhe ish-lojtari i Prishtinës, ka nënshkruar kontratë me klubin Worcester Wolves.
Dusha te Wolves ka kaluar nga skuadra e Plymouth Raiders, me të cilën sezonin që kaloi pati një mesatare prej 3.5 pikëve, 1.7 kërcimeve dhe 2.1 asistimeve për ndeshje.
Lojtari në fjalë posedon nënshtetësi britanike dhe ishte pjesë e përfaqësueses së Britanisë së Madhe në basketboll në grupmoshat U18 dhe U20, para se të vendoste për zgjedhjen e Kombëtares Shqiptare.
Sa i përket transferimit te Worcester Wolves, ai u shpreh shumë i lumtur dhe krenar që do të jetë pjesë e këtij klubi.
