Kampioni praktikisht eliminohet, Bashkimi shpreson

Përkundër pjesës së parë fenomenale të basketbollistëve nga Prizreni, pjesë e cila u mbyll me 15 pikë epërsi, skuadra vendase e Prishtinës zhvilloi një çerek të tretë fenomenal, duke shënuar 34 pikë e duke pranuar vetëm 11, për ta arritur kështu një përmbysje të madhe dhe për ta fituar në fund derbin kosovar në Balkan League.

Në fakt, Prishtina më e mirë se Bashkimi ishte vetëm në çerekun e tretë, mirëpo kjo mjaftoi për fitore, pasi që diferenca e pikëve në këtë çerek ishte masive.

Megjithatë, fitorja e sontme vlen minimalisht për kampionin në fuqi të Ballkan Ligës. Për të shpresuar në kualifikim, Prishtinës i duhej fitorja me më shumë se 12 pikë epërsi dhe kjo nuk ndodhi, që nënkupton që tashmë Prishtina ka gjasa tejet minimale në Ligë Ballkanike.

Në anën tjetër Bashkimi shpreson ende. Për kualifikim Bashkimit i duhet fitore e domosdoshme në xhiron e fundit ndaj Teodos, si dhe i duhet të pres rezultatet e ndeshjeve të Kozuvit e Teodos, takime që zhvillohen në këtë xhiro.

TABELA AKTUALE BALKAN LEAGUE

Më të dalluarit tek skuadra kryeqytetase ishin Jabarie Hinds me 21 pikë. 2 kërcime e 4 asistime, Granit Rugova me 19 pikë, 7 kërcime e 2 asistime dhe Nenad Delic me 18 pikë, 9 kërcime e 5 asistime, ndërsa te skuadra e Bashkimit u veçuan Nikola Korac, transferimi i janarit, me 22 pikë, 1 kërcim e 4 asistime dhe Kayel Locke me 18 pikë, 9 kërcime e 3 asistime.

KB PRISHTINA

KB BASHKIMI