BASHKIMI
Karanezi: Me lojtarin e gjashtë drejt fitores
17 October, 2019 @12:54
Basketbollisti i Bashkimit, Ujkan Karanezi, në një bisedë ekskluzive me TopSporti.com ka thënë se janë përgatitur maksimalisht për derbin lokal kundër Prizrenit.
“Jemi duke u përgatitur maksimalisht për kundërshtarin tonë të radhës. Në ekip na është bashkangjitur edhe një lojtar i huaj i ri, poashtu edhe Musabi besojmë që do të jetë i gatshëm për këtë ndeshje.”
Karanezi beson se me përkrahjen e tifozve të tyre do të vjen edhe fitorja.
“Së bashku me lojtarin tonë të gjashtë Arpagjik’t, besojmë në fitore,”- ka shtuar Ujkan Karanezi për TopSportin.
Bashkimi aktualisht ka bilanc prej 2 fitoreve e 2 humbjeve, derisa kërkon këndelljen pasi që i regjistruan dy humbje rresht.
