Kerasani mbijeton, Drita mposhtet përsëri

Kerasan Prishtina ka mposhtur Dritën në ndeshjen vendimtare të Play-Outit të Superligës sonte, për të siguruar edhe një stinor Superligën.

Ekipi i drejtuar nga trajneri amerikan Dustin Karrer ka mposhtur në një ndeshje interesante atë të Gyltekin Selimit me rezultat 87-75, për të fituar serinë 2-1.

Kjo i ka siguruar Kerasan Prishtinës edhe një edicion në elitën e basketbollit të Kosovës, ndërsa Drita do të duhet përsëri të kalojë në pengesat e Ligës së Parë për të arritur Superligën.

Drita ishte mposhtur në finale të Ligës së Parë nga Rahoveci (që siguroi Superligën), ndërsa ky ka qenë rasti i dytë për ekipin gjilanas që përmes Play-Outit të futet në Superligë, por përkundër se kishin barazuar serinë, ata nuk arritën sonte që t’ia dalin ndaj ekipit prishtinas për t’iu kthyer Superligës.