OLIMPIADA DIMËRORE - PYEONGCHANG 2018
Koreanet të arta në stafetë
20 February, 2018 @16:17
Sukhee Shim, Minjeong Choi, Yejin Kim, e Alang Kim siguruan të artën në stafetë 3000m tek femrat në patinazh të shpejtë në shtigje të shkurtra. E arta për koreanet erdhi pas një dueli kokë me kokë me kinezët deri në çastin e fundit të garës, të cilën koreanet e përfunduan në kohë 4:07.361.
Megjithatë, e argjendta u takoi italianeve të cilat përfunduan garën të katërtat në finale, por Kina e cila ishte renditur e dyta dhe Kanadaja e treta, u penalizuan në fund.
Si rrjedhojë, e bronzta u takoi holandezeve të cilat kishin fituar Finalen B.
Garat në patinazh të shpejtë në shtigje të shkurtra përfundojnë të enjten me tri finale – 500m për meshkuj, 1000m për femra dhe stafeta në 5000m për meshkuj.
