Largohet Kaçaniku

Yll Kaçaniku, basketbollisti prishtinas me përvojë të madhe nga elita e basketbollit turk është larguar nga skuadra e Sigal Prishtinës, ka bërë të ditur sot vetë ekipi bardhekaltër. 

“Me marrëveshje të dyanshme është larguar nga ekipi në drejtim të Turqisë, basketbollisti ynë Yll Kaçaniku,” ka shkruar njoftimi i botuar nga ekipi pak më parë. 

Kaçaniku ka pasur mesatare prej 8.3 pikëve, 3.3 kërcimeve dhe 2.7 asistimeve për ndeshje në Superligë me ekipin prishtinas. 

Lojtari në fjalë është i larguari i radhës nga ekipi kampion këtë stinor, pas Gjorgi Cekovskit, Khalid El Aminit dhe trajnerit Marjan Ilievski.