Lëndohet Graniti

Aloja prishtinase, Granit Rugova, që ka vazhduar marrëveshjen me Sigal Prishtinën përkundër përfoljeve se do të kalojë në Pejë, vuan nga një lëndim në gju që mund ta lë atë jashtë deri në dy muaj. 

Graniti, që është rekorder i basketbollit kosovar për pikë të shënuara në një ndeshje (109, ndaj Mitrovicës, katër stinorë më parë) pret që pas  analizave të fundit të kuptojë saktësisht se sa do të jetë jashtë palestrave. 

Sigal Prishtina ka bërë përforcime të mëdha këtë stinor pasi që do të paraqitet në Ligën Ballkanike, ndërsa stërvitjet parasezonale tashmë kanë filluar me trajnerin e ri turk, Ceyhun Cabadak.