DUELI I TRETË KAMPIONAL
Lufta për pozitën e dytë, Bashkimi-Peja vazhdon
10 April, 2017 @17:23
Skuadra e Bashkimit dhe ajo e Pejës do të ndeshen të mërkurën mbrëma në “Sezai Surroi” të Prizrenit, tre ditë pas ndeshjes së tyre të kaluar, ku fitoi Peja me 2 pikë epërsi.
Ndeshja i takon xhiros së XXI të Superligës dhe ka qenë shtyer për shkak të angazhimit të Pejës në gara ndërkombëtare.
Bashkimi dhe Peja kanë bilanc 1-1 mes vete në Superligë, ndërsa të dy ndeshjet e para janë luajtur brenda 30 ditëve të fundit, ku nuk kanë pasur të drejtë të luajnë lojtarët e angazhuar pas dhjetori 2016.
Me fillim në ora 19:00 Bashkimi pret Pejën, në duelin e parafundit të këtyre dy skuadrave këtë stinor, pasi që do të ndeshen edhe njëherë në xhiron e fundit të stinorit të rregullt.
Aktualisht ekipet kanë bilanc të barabartë, 19-5, ndërsa fituesi i këtij dueli mund të përcaktojë edhe pozitën e dytë të klasifikimit në fund të stinorit të rregullt.
