Mësohet skuadra finaliste në U18 nga dueli Marigona Hill Prishtina - Peja

Superliga U18 e Kosovës ka mësuar finalisten e dytë.

Ndeshja mes skuadrave Marigona Hill Prishtina dhe Peja ka përfunduar me rezultat 105:74 në të mirë të skuadrës prishtinase, e cila është kualifikuar në finale të Superligës U18.

Finaliste më parë ishte bërë edhe skuadra e Trepcës, e cila e kishte mposhtur Vushtrrinë në ndeshjen tjetër gjysmëfinale.

Ndeshja finale do të zhvillihet nesër në Mitrovicë prej orës 12:00, ndërsa paraprakisht do të luhet edhe ndeshja në mes të Vushtrria Basket dhe Peja e vlefshme për vendin e tretë.