PRISHTINA E RE - MH PRISHTINA
MH Prishtina e hap xhiron me fitore
16 November, 2021 @22:46
Ndeshja hapëse e xhiros 6 në Ligën e Parë, i takohet Marigona Hill Prishtinës, që triumfoi me rezultat 77-93 në derbin lokal kundër Prishtinës së Re.
Në 3 çerekët e parë, rezultati ishte i ngushtë, derisa djelmoshat e trajnerit Dritëro Sefaja në 10 minutëshin e fundit shënuan 23 pikë dhe pësuan 13 pikë.
Eliot Peci në këtë ndeshje shkëlqeu me 28 pikë, 7 topa të rrëmbyer e 6 asistime, derisa u ndihmua edhe nga Genc Zeqiri me 15 pikë e Gent Shala me 14 pikë e 8 kërcime.
Te Prishtina e Re u dalluan Adhurim Aliaj me 18 pikë, 6 asistime e 5 kërcme dhe Arbër Sinani me double-double prej 16 pikëve e 10 kërcimeve.
Kjo ishte fitorja e dytë e stinorit për MH Prishtinën dhe me 4 humbje gjendet në pozitën e pestë, në anën tjetër Prishtina e Re ka bilanc prej 3 fitoreve e 3 humbje.
Në xhiron tjetër MH Prishtina takohet me Borean, kurse Prishtina e Re me Dardanët.
