MH PRISHTINA - VUSHTRRIA
MH Prishtina shfrytëzon gabimin e New Basketit, ngritet në TOP 4
2 April, 2021 @20:19
New Basketi e kishte avantazhin për pozitën e katërt në Ligën e Parë, por u befasua në këtë xhiro ndaj Lipjanit.
Gabimin e njëjtë nuk e bëri Marigona Hill Prishtina dhe arriti fitore ndaj Vushtrrisë me rezultat 65-53.
Drilon Shala ishte më i dalluari te MH Prishtina me 18 pikë, 16 kërcime, 3 asistime, 2 bllokada e 1 top të rrëmbyer.
Te Vushtrria Erhan Sholla luajti me 17 pikë e 12 kërcime.
Marigona Hill Prishtina me një ndeshje më shumë gjendet në pozitën e tretë me 10 fitore e 7 humbje, kurse Vushtrria 8 fitore e 9 humbje gjendet në pozitën e gjashtë.
Në xhiron e fundit MH Prishtina takohet me AS Prishtinën, derisa Vushtrria me Dritën.
