OLIMPIADA DIMËRORE - PYEONGCHANG 2018
Norvegjezët fluturojnë më së largu
19 February, 2018 @20:00
Daniel Andre Tande me kërcimet 136m dhe 140.5m udhëhoqi norvegjezët tek e arta ekipore në kërcime me ski. Andreas Stjernen, Johann Andre Forfang, e Robert Johansson ishin pjesë e katërshes që mori të artën me 1098.5 pikë në total.
Ata lanë pas Gjermaninë me 1075.7 pikë dhe Poloninë me 1072.4 pikë në total.
Kjo ishte e arta e parë për Norvegjinë në garat ekipore në kërcime me ski, që nga përfshirja e kësaj gare në Lojërat Olimpike në Calgary në vitin 1988.
Me këtë disiplinë, sot përfunduan garat në kërcime me ski në Olimpiadën në PyeongChang.
