Orari i gjysmëfinaleve në Eurobasket 2022

Pas dueleve fantastike në çerekfinale të garës dhe sigurimit të gjysmëfinaleve nga Spanja, Gjermania, Franca dhe befasia Polonia - tashmë janë përcaktuar edhe oraret e ndeshjeve gjysmëfinale të Eurobasketit 2022.

Kështu, të premten me fillim prej orës 17:15 në Arena të Berlinit zhvillohet dueli i parë gjysmëfinal i Eurobasketit, ku takohen Polonia dhe Franca.

Polonia ka arritur në gjysmëfinale për herë të parë pas 51 vitesh, ndërsa do të ndeshet me Francën, që në Eurobasket 2013 fitoi titullin e parë të Evropës, në Eurobasket 2011 ishte finaliste ndërsa në Eurobasket 2015 fitoi medaljen e bronztë.

Përballja tjetër gjysmëfinale gjithashtu të premten më 16 shtator, në Arena të Berlinit takohen Gjermania dhe Spanja në ndeshjen që nis në 20:30.

Gjermanët një herë kampion Evrope, në Eurobasket 1993 dhe finalist të Eurobasketit 2005 përballen ndaj spanjollëve fantastik dhe dominues në basketbollin evropian që prej Eurobasket 1999, prej kur në të gjitha Eurobasketet radhazi (dhjetë) kanë siguruar minimalisht gjysmëfinalen e garës!

Ndërsa në pesë Eurobaskete të fundit, iberikët janë tri herë kampionë të Evropës (Eurobasket 2009, 2011 dhe 2015).

ORARI I NDESHJEVE GJYSMËFINALE:

16.09.2022 (17:15) Polonia - Franca,
16.09.2022 (20:30) Gjermania - Spanja.

NDESHJA PËR MEDALJEN E BRONZTË:

18.09.2022 (17:15) Humbësit e gjysmëfinaleve.

FINALJA:

18.09.2022 (20:30) Fituesit e gjysmëfinaleve.

5 EUROBASKETET E FUNDIT:

EUROBASKET 2009	Finalja: Spanja 85-63 Serbia	Vendi i tretë: Greqia 57-56 Sllovenia
EUROBASKET 2011	Finalja: Spanja 98-85 Franca	Vendi i tretë: Rusia 72-68 Maqedonia
EUROBASKET 2013	Finalja: Franca 80-66 Lituania	Vendi i tretë: Spanja 92-66 Kroacia
EUROBASKET 2015	Finalja: Spanja 80-63 Lituania	Vendi i tretë: Franca 81-68 Serbia
EUROBASKET 2017	Finalja: Sllovenia 93-85 Serbia	Vendi i tretë: Spanja 93-85 Rusia