CITY - LIVERPOOL
Pa fitues në ‘Etihad’
19 March, 2017 @19:25
Pa fitues u mbyll ndeshja e fundit e xhiros së XXIX në Premier League.
City dhe Liverpooli dhuruan një ndeshje tejet të bukur për shënim në të dy cepat e fushës, ku nuk munguan as shpërdorimet amatoreske, as penalltitë e as pritjet e portierëve, mirëpo në fund mungoi fituesi, me skuadrat që u detyruan t’i ndajnë pikët.
Si pjesa e parë, ashtu edhe e dyta, u dominua nga City, mirëpo raste për shënim kishte edhe Liverpooli përmes kundërsulmeve. Madje ishte pikërisht Liverpooli ai që shënoi i pari, me James Milnerin që e konkretizoi me gol penalltinë e fituar nga Firmino.
City barazimin e gjeti përmes Agueros, derisa gola të tjerë nuk pati dhe rezultati final ishte 1-1.
